冷氣和電扇風

冷氣和電扇風
會記得有一工，天氣非常的炎熱，六月天的日頭親像火燒埔，一轉去厝內，我就趕緊將電風切呼繞，但是按咧嘛是也就熱耶，我就順紲將冷氣切囉吹，一陣的冷風對阮吹來，實在是真正爽快。這時，阮阿嬤看阮規身軀汗，吹電風、吹冷氣，手內擱拿一杯汽水在飲，伊就講：「唉唷！乖孫咧！你按咧啊毋驚感冒！」就趕緊拿一條面巾來給我擦汗，一爿擦，一爿嘴的擱啐啐念。
伊講，恁今馬實在真好命，吃好的，用好的，若是感覺熱，冰箱內底涼的一大堆，冷氣、電風要吹就吹，也擱有人，熱人蓋被吹冷氣，真正是．．．．．．時代無同啊啦！
這時，我就問阿嬤講，卡早的人，規工攏沒閒在做穡，哪有時間去計較這，不過，因嘛是有方法，比如講：在樹仔腳納涼，暗時手拿一枝葵扇，那搧那睏，那擱沒法度，就親像恁阿公按咧，規工褪白體。不過，時代進步，電器產品暫暫啊出現，今馬已經滿四界囉！
看到電風旋阿旋，冷氣吹阿吹，我實在毋敢相信，現子時若無電風、冷氣，日子不知要安怎過？會記得歇熱時，全台灣大停電，那晚阮是熱甲睏袂去。過工，阮才知影，原來是高壓電塔去呼倒去，才會安咧！
所以若沒電，有電風甲冷氣嘛是無用武之地。政府常常提醒咱，叫咱就要會曉節約能源，冷氣要定時定溫才袂浪費。尤其在咱台灣，資源有限，多數攏是靠進口的。咱若袂曉「知福惜福」，好好啊節約用電，地球的能源總有用了的一工。
想到這，阮就趕緊將電風冷氣切熄，拿著阿嬤的葵扇，搧啊搧，按咧嘛是袂歹ㄋㄟ！